Xodim eshikda yuzini koʻrsatadi. Shu daqiqadan boshlab uning ish vaqti, kechikishi, taʼtil qoldigʻi va ish haqi oʻzi hisoblanadi. Qoʻlda toʻldiriladigan tabel tugaydi.
Quyida bitta skanni boshidan oxirigacha kuzatamiz. Chapdagi ekran har qadamda oʻsha qiymatning nimaga aylanganini koʻrsatadi.
Terminal yarim metrdan, bir soniyada taniydi. Karta ham, barmoq izi ham, telefon ham kerak emas. Tanish masofasi ataylab qisqartirilgan — yonidan oʻtib ketgan odam davomat yozmaydi.
Qurilma bulutga chiquvchi aloqa ochadi — ofis tarmogʻini ochish, statik IP sotib olish yoki VPN qurish shart emas. Aloqa uzilsa skanlar terminal xotirasida saqlanadi va internet qaytganda oʻzi yetib keladi.
Tizim kundagi birinchi va oxirgi skanni oladi, tushlikni chegiradi, kechikish va erta ketishni filial ish vaqtiga solishtiradi. Bayram va koʻchirilgan ish kunlari ish kalendaridan olinadi — shanba ishlanadigan boʻlsa, tizim buni biladi.
Chorak oxirida bahoni tizim oʻzi qoʻyadi: davomat, norma bajarilishi, maqsadlar, topshiriqlar va test natijalari — har biri oʻz ogʻirligi bilan. «Nega menga uch?» degan savolga raqam bilan javob bor.
Tabel yigʻilmaydi, u allaqachon tayyor. Ishlangan soat, kechikish, taʼtil va jarima hisobga olingan. Bahs boʻlmaydi: har raqamni ochib, qaysi kuni qaysi soatda qanday skan boʻlganini koʻrsatish mumkin.
Modullar bitta bazada ishlaydi. Davomat KPI ga, KPI esa baholashga oʻzi oqib oʻtadi — hech narsa qayta kiritilmaydi.
Keldi-ketdi, kechikish, erta ketish, tushlik chegirmasi va bayramlar bilan ishlaydigan ish kalendari.
Vakansiya, nomzod, bosqichlar. AI rezyumeni oʻqib talabga moslikni baholaydi va takroriy arizani belgilaydi.
Choraklik bahoni tizim oʻzi qoʻyadi — davomat, maqsad, topshiriq va test boʻyicha. Har omil foizi koʻrinadi.
HR topshiriq beradi, xodim mobil ilovada bajaradi, HR tekshiradi. Bajarilishi bahoga taʼsir qiladi.
Taʼtil, kasallik va davomat tuzatishi — xodim yuboradi, rahbar tasdiqlaydi. Taʼtil qoldigʻi oʻzi hisoblanadi.
Telegram bot va mobil ilova (iOS, Android): oʻz davomati, ish haqi hisobi, topshiriqlar va bildirishnomalar.
Ofisda hech narsa qurilmaydi. Usta keladi, terminalni eshikka oʻrnatadi va oʻsha kuni tizim ishlay boshlaydi.
Xodim soni va filiallar aniqlanadi, tarif tanlanadi. Shartnoma va hisob-faktura beriladi.
Usta eshikka oʻrnatadi, tarmoqqa ulaydi va sozlaydi. Sizdan faqat rozetka va Wi-Fi paroli kerak.
Suratlar papkasi terminalga ommaviy koʻchiriladi. Har xodimni alohida navbatga qoʻyish shart emas.
Xodimlar odatdagidek keladi. Siz panelni ochasiz — kim qachon kelgani allaqachon yozilgan.
Biometrikaga bogʻlangan maʼlumot OʻRQ-547 talabi boʻyicha Oʻzbekiston hududidagi serverda saqlanishi shart. Bizda shunday: baza ham, fayllar ham, shifrlangan zaxira nusxa ham shu yerda.
Telefon ilova yopiq boʻlganda ham xabar olishi uchun Google push kerak. Lekin biz push ichiga hech narsa solmaymiz — na ism, na vaqt, na sarlavha. Google koʻradigan narsa — «bu telefonga signal bordi», xolos; matnni ilova bizning serverimizdan oʻzi olib keladi. Chet eldagi xato-kuzatuv xizmatlaridan esa butunlay voz kechdik.
Panelda kim nimani oʻzgartirgani jurnalga yoziladi va uni oʻchirib boʻlmaydi. Oy oxirida davomat raqami ustida bahs chiqsa, har tuzatishning kimligi va vaqti koʻrinadi.
OʻRQ-547 · lokalizatsiyaXodim soni, filial va terminal soniga qarab hisoblanadi. Shartnoma va hisob-faktura bilan, perechisleniye orqali. Yashirin toʻlov yoʻq.
Oʻrnatish, sozlash va xodimlarni qurilmaga yuklash narxga kiradi. Oylik toʻlovga qoʻshilmaydi va keyin qayta olinmaydi.
Korxonangizni koʻramiz: nechta terminal kerak, qaysi tarif toʻgʻri keladi va oʻrnatish qancha vaqt oladi. Demo bepul va majburiyatsiz.