Maxfiylik siyosati

1. Maʼlumotni kim ishlaydi

HR-ONE — korxonalarga xizmat sifatida beriladigan (SaaS) davomat va HR tizimi. Tizimdan foydalanadigan har bir korxona oʻz xodimlarining maʼlumotiga EGA va uni qanday ishlatishni oʻzi belgilaydi; biz esa oʻsha korxona topshirigʻi asosida maʼlumotni saqlaymiz va qayta ishlaymiz.

Amalda bu shuni anglatadi: agar siz xodim boʻlsangiz va oʻz maʼlumotingiz haqida savolingiz boʻlsa — avval oʻz korxonangiz HR boʻlimiga murojaat qiling. Ular hal qila olmasa, quyidagi manzilga yozing.

2. Qanday maʼlumot yigʻiladi

Tizim faqat davomat va HR vazifasi uchun zarur maʼlumotni oladi:

• Shaxsni bildiruvchi maʼlumot — familiya, ism, lavozim, filial, tabel raqami; korxona kiritsa telefon raqami.
• Hisob maʼlumoti — login va parolning KRIPTOGRAFIK IZI (parolning oʻzi saqlanmaydi va uni biz ham koʻra olmaymiz).
• Davomat — kelish va ketish vaqti, kechikish, erta ketish, ish kunlari, taʼtil va boshqa soʻrovlar.
• Surat — profil surati, kechikish sababiga ilova qilingan dalil rasmi, spravka va topshiriq natijasi rasmi. Bularni foydalanuvchi OʻZI yuklaydi.
• Belgilash selfisi va yuz etaloni — ilovadan «Keldim» bilan belgilashda yuborilgan surat, hamda HR qoʻygan portretdan olingan raqamli vektor. Bu BIOMETRIK maʼlumot; batafsili 3-boʻlimda.
• Joylashuv — korxona ish vaqtidagi joylashuv qaydini yoqqan boʻlsa. Bu ALOHIDA imkoniyat va u sukut boʻyicha OʻCHIQ; batafsili 4-boʻlimda.
• Texnik yozuv — tizimga kirish vaqti, IP manzil va amallar jurnali. Bu xavfsizlik va nizoli holatni tekshirish uchun.

3. Yuz tasviri: terminal va ilova — ikki xil yoʻl

Davomat ikki yoʻl bilan olinadi va ular yuz tasviriga munosabati bilan farq qiladi. Ikkalasi ham quyida ochiq yozilgan.

TERMINAL. Eshik oldidagi biometrik terminal (Hikvision) yuzni OʻZI taniydi va oʻz xotirasida saqlaydi — u korxona binosida, korxona tarmogʻida turadi. Serverga yuz tasviri EMAS, faqat natija keladi: «falon tabel raqamli xodim falon vaqtda oʻtdi».

ILOVA. Xodim ilovadan «Keldim» bosib belgilasa, u yuborgan selfi SERVERGA yetib keladi va davomat dalili sifatida saqlanadi. Server uni ikki savol boʻyicha tekshiradi: bu shu xodimning yuzimi va bu tirik odammi (bosma surat yoki telefon ekrani emasmi).

ETALON. Solishtirish uchun har xodimning yuz etaloni saqlanadi. Bu surat EMAS — undan olingan raqamli vektor, va vektordan rasmni tiklab boʻlmaydi. Etalon HR qoʻygan portretdan olinadi, xodimning OʻZ selfisidan emas. U shifrlangan holda saqlanadi; surat oʻchirilganda etalon ham darhol oʻchiriladi.

Tekshirish bizning oʻz serverimizda bajariladi — yuz maʼlumoti tashqi sunʼiy intellekt xizmatlariga yuborilmaydi.

Natija — SIGNAL, hukm emas. Belgilash allaqachon yozilgan boʻladi va tekshiruv uni bekor qilmaydi; shubha boʻlsa HR koʻrib chiqadi va qarorni ODAM qabul qiladi.

Mobil ilovadagi Face ID / Touch ID bulardan alohida: u telefonning oʻz imkoniyati, ilova undan faqat «ha» yoki «yoʻq» javobini oladi. Yuz maʼlumoti telefondan chiqmaydi.

4. Joylashuv: faqat ish vaqtida

Korxona xodimning ish joyida ekanini tasdiqlash uchun ish vaqtidagi joylashuv qaydini yoqishi mumkin. Bu imkoniyat sukut boʻyicha OʻCHIQ va uni har bir korxona oʻzi yoqadi.

Yoqilgan boʻlsa, ilova ruxsat soʻrashdan OLDIN ekranda nima yigʻilishini va nima uchun kerakligini toʻliq koʻrsatadi. Siz ruxsat bermasangiz joylashuv yigʻilmaydi.

• QACHON — faqat ish kunlari va faqat ish soatlarida (ish boshlanishidan biroz oldin va tugagandan biroz keyin). Ish vaqti tugashi bilan qayd toʻxtaydi. Dam olish kunlari, bayramlar va taʼtil kunlarida umuman ishlamaydi.
• QAYSI VAQT OYNASI amal qilishini SERVER hisoblaydi — telefonning oʻzi emas. Yaʼni oyna sizning filialingiz ish jadvali va ish kalendari boʻyicha aniqlanadi.
• NIMA — koordinata, uning aniqligi, vaqt va telefon zaryadi darajasi. Zaryad «telefon oʻchib qolgani» kabi holatni tushuntirish uchun saqlanadi.
• NIMA YIGʻILMAYDI — suhbatlar, xabarlar, qoʻngʻiroqlar, brauzer tarixi, kontaktlar va boshqa ilovalar. Ilova ularga umuman murojaat qilmaydi.
• KOʻRINIB TURADI — Android telefonda doimiy bildirishnoma, iPhone da esa ekran tepasidagi joylashuv belgisi. Qayd yashirin olib borilmaydi.
• ISTALGAN PAYT toʻxtatish mumkin — telefon sozlamalaridan ruxsatni bekor qiling. Bunda qayd toʻxtaydi va ish beruvchi bu davrni maʼlumot yoʻq holat sifatida koʻradi.
• SAQLASH MUDDATI — batafsil nuqtalar 90 kundan keyin oʻchiriladi, kunlik xulosa (necha soat ish joyida boʻlgani) qoladi.

5. Nima uchun ishlatiladi

Maʼlumot faqat quyidagi maqsadlarda ishlatiladi: davomatni hisoblash va koʻrsatish; taʼtil, kasallik va tuzatish soʻrovlarini yuritish; ish haqi hisobiga asos boʻladigan tabelni shakllantirish; xodimga bildirishnoma yuborish; tizim xavfsizligini taʼminlash va nizoli holatni tekshirish.

Maʼlumot REKLAMA uchun ishlatilmaydi va profillashtirish yoki avtomatik qaror qabul qilish maqsadida sotilmaydi.

3-boʻlimdagi yuz tekshiruvi ham avtomatik qaror EMAS: u HR uchun signal, qarorni odam qabul qiladi.

6. Huquqiy asos

Ishlov berish Oʻzbekiston Respublikasining «Shaxsga doir maʼlumotlar toʻgʻrisida»gi OʻRQ-547-sonli Qonuniga muvofiq amalga oshiriladi.

Asos — mehnat munosabati: ish beruvchi qonun boʻyicha ish vaqtini hisobga olishi shart. Qonun talab qilgan hollarda xodimning roziligi ish beruvchi tomonidan olinadi.

7. Maʼlumot qayerda saqlanadi

Maʼlumot Oʻzbekiston Respublikasi hududidagi serverlarda saqlanadi — bu OʻRQ-547 talabi.

Har bir korxonaning maʼlumoti maʼlumotlar bazasi darajasida ajratilgan (PostgreSQL Row-Level Security). Yaʼni bir korxona boshqasining maʼlumotini texnik jihatdan koʻra olmaydi.

Ulanish HTTPS orqali shifrlanadi, parollar qaytarib boʻlmaydigan algoritm bilan saqlanadi, maʼlumotlar bazasining zaxira nusxasi ham shifrlanadi.

8. Kimga uzatiladi

Maʼlumot uchinchi shaxsga SOTILMAYDI va reklama tarmoqlariga berilmaydi. Tizimda reklama identifikatorlari va reklama uchun kuzatuv (tracking) vositalari YOʻQ.

Bu 4-boʻlimdagi ish vaqti joylashuvi bilan BIR NARSA EMAS: joylashuv faqat sizning ish beruvchingizga koʻrinadi va reklama uchun hech kimga berilmaydi.

Maʼlumotni koʻra oladigan doira: oʻz korxonangizning vakolatli HR va rahbar xodimlari; texnik xizmat koʻrsatish uchun zarur boʻlganda HR-ONE ning mutaxassislari (kirish jurnalga yoziladi); qonuniy asosda soʻrov yuborgan davlat organlari.

Xodim Telegram botdan foydalansa, xabar Telegram orqali oʻtadi va unga Telegram shartlari qoʻllanadi. Botdan foydalanish IXTIYORIY.

BILDIRISHNOMA YETKAZISH. Ilova yopiq boʻlganda ham xabar chiqishi uchun Google push xizmati (Firebase Cloud Messaging) ishlatiladi. Google qurilmangizning push manzilini (token) koʻradi. Xabarning OʻZIDA esa hech qanday maʼlumot YOʻQ — na ism, na vaqt, na sarlavha: telefon faqat «yangi xabar bor» signalini oladi, matnni ilova bizning serverimizdan oʻzi olib keladi. Shu sabab bildirishnoma mazmuni chegaradan oʻtmaydi.

9. Qancha saqlanadi

Davomat va HR maʼlumoti mehnat munosabati davomida, undan keyin esa mehnat qonunchiligi va buxgalteriya hisobi talab qiladigan muddat davomida saqlanadi.

Xodim ishdan boʻshaganda korxona uning yuzini terminaldan oʻchirishi kerak — tizim buni HR panelida alohida eslatib turadi.

Joylashuv alohida: batafsil nuqtalar 90 kundan keyin avtomatik oʻchiriladi, kunlik xulosa esa saqlanadi.

Ilovadan belgilashda yuborilgan selfi davomat dalili hisoblanadi va oʻzi tegishli boʻlgan tabel yozuvi bilan bir muddat saqlanadi.

Yuz etaloni xodimning surati oʻchirilganda darhol oʻchiriladi.

Muddat tugagach maʼlumot oʻchiriladi yoki shaxsni aniqlash imkonini bermaydigan holga keltiriladi.

10. Sizning huquqlaringiz

Siz quyidagi huquqlarga egasiz:

• oʻzingiz haqingizdagi maʼlumot bilan tanishish;
• notoʻgʻri yoki toʻliq boʻlmagan maʼlumotni tuzattirish;
• qonunda nazarda tutilgan hollarda maʼlumotni oʻchirtirish yoki ishlov berishni bloklattirish;
• ishlov berishga bildirilgan rozilikni qaytarib olish;
• oʻz huquqlaringiz buzilgan deb hisoblasangiz vakolatli davlat organiga shikoyat qilish.

11. Hisobni oʻchirish

Xodim hisobini mobil ilovaning oʻzida YARATA olmaydi — uni korxonaning HR administratori ochadi. Shu sababli hisob ilova ichidan oʻchirilmaydi.

Hisobni oʻchirish uchun oʻz korxonangiz HR boʻlimiga murojaat qiling — ular hisobni panel orqali oʻchiradi. Yoki toʻgʻridan-toʻgʻri quyidagi manzilga yozing: soʻrov 30 kun ichida koʻrib chiqiladi.

Hisob oʻchirilganda kirish maʼlumoti va profil bekor qilinadi. Mehnat qonunchiligi saqlashni talab qiladigan tabel yozuvlari saqlanib qolishi mumkin — bu qonun talabi.

12. Bolalar

Tizim mehnatga qabul qilingan xodimlar uchun moʻljallangan va 16 yoshgacha boʻlgan shaxslardan ataylab maʼlumot yigʻmaydi.

13. Siyosatdagi oʻzgarishlar

Hujjat yangilanishi mumkin. Yuqoridagi «Oxirgi yangilanish» sanasi har safar oʻzgaradi, jiddiy oʻzgarish boʻlsa korxonalar alohida xabardor qilinadi.

14. Aloqa

Maxfiylik bilan bogʻliq savol, soʻrov yoki shikoyat uchun quyidagi manzillarga murojaat qiling.

• contact@hr-one.uz
• +998 93 277 33 33